[img]
[/img]
دى الصوره النهائيه ااقولكو بقى بيتعمل ازاى
هو على 3 مراحل
اللحم الارز الصلصه
اول اللحم
بنضع عليه التوابل وبيبقى كده
[img]
[/img]
والتوابل اهه
دى التوابل اللى استخدمتها وخلو بالكو لون الزعفران ده للرز
قرفه عيدان ونصف م ص مطحونه فلفل اسود وكمون وحبهان وقرنفل وبصله وفصين توم (صحيحين)
التوابل للى موش لاقيها مكونه من(فلفل اسود زنجبيل كمون كزبره توم وبصل كله كله بودر)
بعد كده تشوحيها على النار الى ان تشرب مايتها وتضيفى الماء وتقفلى وتسيبيها
انا باستعمل حله ضغط عشان اللحم هنا صعب يستوى
ثانيا الارز
مقدارى فى الارز 3كوب ارز بسمتى مغسول ومنقوع نصف ساعه عليهم 4 كوب ماء
انا باستعمل 3 ماء وكوب شربه من اللى بنعملها عشان الرز يبقى فيه طعم التوابل (ضرورى)
فاكرين الزعفران انا اخدت معلقه صغيره اوى على معلقتين ماء صغيرين ودوبتهم
هاقولكو ليه ماتستعجلوش
[img]
[/img][img]
[/img]
تجيبى بصله صغيره وتقطعيها جوانح رفيعه وتصفريها فى زيت وعليها رشه قرفه
وبعدين تضيفى الماء وتسيبيها تغلى وبعدين تحطى الارز
خلااص الارز شرب مايته فاكرين اللون هانحطه على جنب كده زى المنظر ده
[img]
[/img]
وتسيبيه يكمل سوا
ثالثا الصلصه(السحاوى)
دى بقى انا دخت علشان اعرف الطريقه بقالى سنين بجرب المهم توصلت لطريقه نفس الطعم
تجيبى الطماطم وتسلقيها فى مايه ومعاها فص توم
بعد ماتستوى تقشريها وتحطيها فى الخلااط مع التوم ونقطتين خل وملح وشويه شطه
وده الارز بعد مااستوى وكنت حاطه بشر جزر شويه صغيره على جنب
وده شكل الرز لما يتقلب
[img]
[/img]
وفى الاخر بتحطى الارز وفوقه اللحم وبيطلع زى اول صوره
الرئيسية 