أول موضوع ليه عالمنتدي وعايزه تصفيق حاد ولولولولولولي فررررررررررررررررح
بصي يا أروبه منك ليها ليها ليها
هتجبيي عرق الفلتو من عند الراجل وتقوليله ينظفهولك كويس بس علشان مايبقاش عليه شغت ودهن كثير
وتعمليه قبل ماتبقي ناويه تقدميه بيوم
بصي يا سيتي هتغسليه كويس تحت الميه
وتجيبي شوية ثوم مهروسين وبشر بصله وعليهم ملح وفلفل
وبسكينه حاميه ورفيعه هتغزي العرق من كذا ناحيه بس بنااااحه من غير ماتخليه زي المصفي كده
وتبدأي تدخلي الخلطه دي تزقيها في الفتحات كده علي قد ما تقدري
وتروحي دعكاه كله بباقي التتبيله دي وتجيبي الدوباره دي وتربطيه وتشدي جامد علشان يبقي ماسك نفسه
بس بيتيه الليله في الثلاجه كده علشان يشرب التتبيله حلو
" أنا عملته في يومها فماكنتش باينه فيه قوي"
ثاني يوم الصبح وجه اليوم الهتقدميه فيه
تطلعيه وتسخني طاسه أو صينية تيفال علي النار وممكن تحطي نقطة زيت
وتديله صدمه علي النار من جميع الجوانب وتحمريه كويس خالص
وبعدين تكوني مقطعه شوية خضار " بصل وفلفل وجزر "
تشيلي العرق بعد مايكون إتحمر كويس وتدي للخضار ده تشويحه مكانه في نفس الصينيه وبعدين تحطي العرق عليهم وتزيدي حوالي كوبايتين مايه
غطيه بفويل وسيبيه علي نار هاديه أو في الفرن حوالي ساعه ونص
وكل شويه إفتحي بس إقلبيه عل كل نواحي علشان ماينشفش ويشرب من الصوص كويس
ولما تلاقيه إستوي بأنك تغرزي فيه الشوكه وماتطلعش سوايل شيلي الفويل وإفتحي علي الشوايه شوية وطلعيه
وده شكله
طلعيه من الصوص وإستنيه يهدي شويه ولفيه بالفويل وحطيه في الثلاجه
وقرب معاد التقديم طلعيه وفكي الحبل وقطعيه بسكينه حاميه
الصوص بتاعه بقه عالخلاط إضربيه وسبكيه عالنار شويه وإظبطليه الملح والفلفل وبس
ألف هنا وشفا
الرئيسية 
