بصوا ياقمرات انا امبارح عملت حمص الشام
وحمص الشام مع الكشري بيبقي تحفة جداااااااااااااااا
ودة رابط حمص الشام
https://arooba.yoo7.com/t20-topicنتوكل علي الله ونبتدي في العمايل
بصوا المقادير دي تكفي 4 اطباق كبار او 5 اطباق وسط عشان تكونوا عارفين
المقادير :_
ربع كليو عدس بجبة "عدس بني" ينقي ويغسل ويصفي
2كوب ارز ينقي ويغسل ويصفي
1/2كيس مكرونة عادية +1/2كيس مكرونة اسباجتي
بصلتان كبار"مقطعين جوليان"
1/2 كوب شعرية
5حبة طماطم +2ملقة صلصلة يضربوا في الخلاط
5 فصوص توم مفروم
حمص شام الحب فقط
زيت / ملح /كمون / شطة /كزبرة ناشفة
الطريقة:-
1/ اول حاجة هنعملها هو البصل عشان بالزيت بتاعة هنعمل الكشري
هنجيب طاسة كبيرة ونحط فيها زيت ونحط البصل ونحطها علي النار
ونقلب فيها عشان كلوا يستوي مع بعضة ونحط شوية ملح عشان البصل يطلع
مقرمش وجميل
لغاية ما لونة يكون بني بس مش غامق احسن يتحرق
واهو اللون المطلوب
نروح مصفين الزيت ونحط البصل في مصفاة عشان ينزل زيتة ويكون مقرمش وحميب
ونشيل الزيت علي جنب لاننا هنعمل بة مكونات الكشري
2/ هنعمل الصلصة
نحط زيت في الحلة ونضع التوم لحد ما التومة تصفر نقوم طشنها بعصير الطماطم والصلصة
تغلي بس وتقوم نحط الملح والكمون والشطة والكزبرة الناشفة ونهدي النار
لحد ما تتسبك نعرف انة استوت لما الزيت يطلع فوق ودة شكلها
3/هنعمل العدس
نجيب حلة ونحط فيها العدس وكوب ماء تغلي ونوطي النار
كاننا هنعمل رز ونبص عليها كل شوية
ولو احتاجت ماء احط بسيط لحد قرب السواء
احط ملح وكمون وشطة و3معالق زيت والقب وبعدين نطفي النار
4/ الارز وهنعملة بالطريقة المعتادة بتاعتنا
بدل السمنة زيت ونحط رشة كمون ورشة شطة
5/المكرونة تتسلط عادي بردوا
6/ هنحمر الشعرية بزيت وبعدين نطشة بالماء ونضع الملح لحد مايستوي
وبكدة يكون الكشري جهز ونحط في الاطباق
اول حاجة الارز وبعدبن الشعرية والكرونة والعدس والورد واخر حاجة شوية
حمص علي الوش وكدة تمام ودة شكل الاطباق